Os '''bronquíolos terminais''' ramifícanse a partir dos bronquíolos primarios, e son o segmento máis distal da zona de condución de aire (que non fai intercambio de gases). Ramifícanse á súa vez orixinando os bronquíolos respiratorios. Os bronquíolos terminais están revestidos cun epitelio cuboideo simple que contén [[célulascélula de Clara|células de Clara]]. Os bronquíolos terminais conteñen un número limitado de células ciliadas e non teñen [[célula caliciforme|células caliciformes]]. As células de Clara son células arredondadas non ciliadas e segregan proteínas que manteñen aberta a vía de aire nos bronquíolos máis pequenos. A secreción denomínase [[surfactante]], e reduce a [[tensión superficial]], permitindo que os bronquíolos se expandan dutrante a inspiración e non se colapsen durante a expiración. As células de Clara producen [[encima]]s que detoxifican substancias disolvidas no fluído respiratorio.
