Bronquio: Diferenzas entre revisións
Contido eliminado Contido engadido
Liña 26:
* Os bronquios principais entran no pulmón polo hilio pulmonar, e subdivídense en '''bronquios lobulares''' ou '''secundarios''', os cales entran nos seus respectivos lóbulos pulmonares (que son tres no pulmón dereito e dous no esquerdo).
* Os bronquios lobulares divídense en '''bronquios terciarios''', tamén chamados '''segmentais''' (''segmentalis'') ou segmentarios, cada un dos cales envía aire a un [[segmento broncopulmonar]]. Un segmento broncopulmonar é unha división dos pulmóns, que está separada do resto do pulmón por un septo de [[tecido conectivo]]. De todos modos, hai tamén algunhas conexións de bronquios e vasos sanguíneos que pasan dun segmento a outro atravesando o septo. A división do pulmón en segmentos fai que un segmento broncopulmonar poida ser retirado [[cirurxía|cirurxicamente]] sen afectar a outros segmentos. Hai dez segmentos en cada pulmón, pero debido ao desenvolvemento anatómico, varios bronquios segmentais se fusionan no pulmón esquerdo, dando lugar a oito.
* Os bronquios segmentais divídense en moitos '''[[bronquíolo]]s''' primarios, que se subdividen varias veces dando bronquíolos terminais (aproximadamente a 7ª xeración de ramificacións da árbore bronquial), que dan lugar a varios bronquíolos respiratorios, que se dividen finalmente cada un en de 2 a 11 [[conduto alveolar|condutos alveolares]]. Hai 5 ou 6 sacos alveolares asociados con cada conduto alveolar. Os [[alvéolo]]s pulmonares son as unidades básicas onde ten lugar o intercambio respiratorio de gases entre o aire e o sangue.
Os bronquios están reforzados por aneis incompletos de [[cartilaxe hialina]], que lles dan forma de D aos grandes bronquios, e que teñen forma de pequenas placas illadas nos bronquios pequenos. Hai fibras de [[músculo liso]] arredor de todo o bronquio.
A [[cartilaxe]] e [[membrana mucosa]] dos bronquios primarios son similares aos da traquea. A medida que aumenta o número de ramificacións na árbore bronquial, a cantidade de cartilaxe hialina das paredes decrece ata chegar a estar ausente nos bronquíolos máis pequenos. Pero a medida que decrece a cartilaxe, acrecéntase a cantidade de músculo liso. A membrana mucosa tamén experimenta unha transición desde un epitelio columnar pseudoestratificado ciliado inicial a un epitelio cuboideo simple e despois a un epitelio escamoso simple.
Os condutos alveolares e alvéolos constan fundamentalmente dun epitelio escamoso simple, que facilita a difusión do [[oxíxeno]] e o [[dióxido de carbono]] a través del.
| |||