Real Club Celta de Vigo: Diferenzas entre revisións

Tras superar as semifinais, o rival que esperaba na final era o [[Real Zaragoza]], adestrado por [[Víctor Fernández]], equipo que cegaba en [[Europa]] co seu fútbol. Tras rematar os primeiros 90 minutos e a prórroga en empate, finalmente chegouse ós penaltis, onde o porteiro blanquillo [[Andoni Cedrún]] detivo un penalti moi mal executado ó defensa do Celta, [[Alejo Indias|Alejo]], e tras ese erro clamoroso, [[Higuera]] marcou o penalti definitivo que levou a [[Copa do Rei de fútbol|Copa do Rei]] á cidade de [[Zaragoza]], deixando co mel nos beizos ós afeccionados galegos.

 

A Lei do Deporte obrigaba ós equipos, que se converteron gradualmente en Sociedades Anónimas Deportivas, a presentar uns avais como previsión de débedas antes do [[1 de agosto]] de [[1995]]. Por causas diversas, o [[Sevilla Fútbol Club|Sevilla FC]] e o Celta de Vigo non puideron cumprir tales prazos, e foron descendidos administrativamente á Segunda División B. Decenas de miles de afeccionados de ambos clubs botáronse á rúa repetidas veces para defender os intereses dos seus equipos. A pesar de que se solicitou un tempo de espera para a constatación da ausencia destes avais, a Federación desde un primeiro momento entregou as prazas ao [[Real Valladolid|Valladolid]] e [[Albacete Balompié|Albacete]], que tiñan que descender ese ano.