Lingua acadia: Diferenzas entre revisións

Os [[Cartas de Amarna|arquivos]] [[cuneiformes]] atopados no xacemento [[Exipto|exipcio]] de El Amarna (a antiga [[Akhetaton]]), están na súa maioría redactados en acadio, de tipo babilonio estándar. Unha trintena dos textos atopados son de tipo literario, mentres que os 350 restantes constitúe a correspondencia dos reis exipcios da metade do [[século -XIV]] ([[Amenhotep III]], [[Akhenaton]], [[Tutankhamon]]). Polas súas distintas proveniencias, presentan as características propias do seu país de orixe ([[Hititas|Hatti]], [[Mitanni]], [[Babilonia]], …). O caso máis interesante para a lingüística é o das cartas chamadas «cananeas», escritas polos reinos vasalos de [[Exipto]] situados no Levante ([[Tiro]], [[Biblos]], [[Gaza, Palestina|Gaza]], …). A lingua destas cartas presenta numerosos trazos propios das linguas semíticas occidentais faladas nestes países, as linguas «[[linguas cananeas|cananeas]]». Por isto parécense aos textos acadios atopados en [[Ugarit]].