Álvaro das Casas: Diferenzas entre revisións

'''Álvaro María Casas Blanco''', ou como asina as súas publicacións '''Álvaro de las Casas''' ou, cando escribe en galego '''Álvaro das Casas'''. Naceu en [[Ourense]] o [[2 de xullo]] de [[1901]] e finado en [[Barcelona]] o [[8 de marzo]] de [[1950]], foi un dinamizador cultural e escritor, en galego e castelán, de poesía, novela, ensaio e, fundamentalmente, de obras de teatro.

 

==Traxectoria==

En Ourense cursou os seus estudos básicos e de bacharelato, trasladándose a [[Valladolid]] para cursar a carreira de Filosofía e Letras. Doutorouse en Ciencias Históricas e Xeográficas, feito que talvez inflúa na proposta de teatro histórico deste autor. Exerceu de catedrático e director do Instituto local de [[Noia]], onde fundou os primeiros grupos [[Ultreya]]. Foi escritor dramático de renome e tradutor de obras de autores portugueses, alén de militante do [[Partido Galeguista (histórico)|Partido Galeguista]] e membro do [[Instituto Histórico do Minho]] aínda que no ano [[1933]] despois dunha longa polémica co Partido Galeguista funda a [[Vangarda Nazonalista Galega]].