Xenserico: Diferenzas entre revisións

En [[435]] Xenserico chega a un acordo co Imperio Romano polo que o reino vándalo pasa a ser [[foederati|foederatus]] de Roma coa concesión de [[Numidia]]. Non obstante, en [[439]] Xenserico toma -disque sen loita- a cidade de [[Cartago]], capturando a flota imperial alí atracada. Con este movemento fai aos vándalos donos do [[Mar Mediterráneo|Mediterráneo Occidental]], apoderándose a continuación de bases marítimas de gran valor estratéxico e comercial: as [[Illas Baleares]], [[Córsega]], [[Sicilia]] e [[Sardeña]]. Roma, privada dunha das maiores zonas de produción cerealística do vello mundo, terá que comprar no sucesivo o gran do norte de África para o seu propio aprovisionamento.

 

En [[455]], o emperador romano Valentiniano III é asasinado, sucedéndoo [[Petronio Máximo]]. Xenserico, considerando roto o tratado de paz firmado con Valentiniano en [[442]], desembarca en Italia e marcha sobre Roma, cuxa poboación rebélase contra o novo emperador e dálle morte tres días antes de que, o [[22 de abril]] de 455, os vándalos tomen sen resistencia a cidade. O saqueo subseguinte non producirá unha destrución notábel, se ben os vándalos farán provisión de gran cantidade de ouro, prata e obxectos de valor. Xenserico levará consigo a Cartago como refén a [[Licinia Eudoxia]], viúva de Valentiniano, e ás súas dúas fillas, [[Placidia]] e [[Eudoxia (filla de Valentiniano III)|Eudoxia]], que contraería despois matrimonio co seu fillo e sucesor [[Hunerico]].