Urbano III, papa: Diferenzas entre revisións

O seu pontificado, de apenas dous anos, estivo centrado no enfrontamento co emperador [[Federico I do Sacro Imperio Romano Xermánico|Federico I]] motivado pola intención deste de recuperar a súa influencia en [[Italia]] perdida en [[1176]] trala derrota sufrida polo emperador xermano na [[batalla de Legnano]].

 

Federico I fixou o seu obxectivo no control do reino normando de [[Sicilia]], servíndose da voda acontecida o [[4 de xaneiro]] de [[1186]] entre seu fillo [[Henrique VI do Sacro Imperio Romano Xermánico|Henrique]] con Constanza, herdeira da coroa siciliana ao non ter descendencia seu sobriño e rei [[Guillerme II de Sicilia]]. Con este matrimonio o papado perdeu o apoio que como estado vasalo da Santa Sede recibía do [[Reino de Sicilia]], ademais de verse ameazado tamén desde o sur polo imperio xermánico.