Tensión eléctrica: Diferenzas entre revisións

A '''tensión eléctrica''', tamén denominada '''diferenza de potencial''' ou '''voltaxe''', é a diferenza de [[potencial eléctrico]] entre dous puntos<ref>De acordo coa [http://www.electropedia.org/iev/iev.nsf/display?openform&ievref=121-11-27 IEC.]</ref>. A súa unidade de medida é o [[Volt]], en homenaxe ao físico italiano [[Alessandro Volta]].

É, pois, unha [[magnitude física]]. Tamén se pode definir como o [[Traballo (física)|traballo]] por unidade de [[carga eléctrica|carga]] exercido polo [[campo eléctrico]] sobre unha [[Partícula elemental|partícula]] cargada para movela entre dúas posicións determinadas. Pódese medir cun [[voltímetro]].<ref>[http://books.google.es/books?id=BWgSWTYofiIC&pg=PA514&dq=volt%C3%ADmetro&hl=es&ei=eX08TJbpBOTdsAa_jPXCDg&sa=X&oi=book_result&ct=result&resnum=4&ved=0CDwQ6AEwAzgU#v=onepage&q=volt%C3%ADmetro&f=false ''Física general'', escrito por Santiago Burbano de Ercilla, Carlos Gracía Muñoz] {{es}} </ref>

 

== Polaridade en corrente continua ==

 

Cando entre dous puntos dun [[circuíto eléctrico|circuíto]] pode circular unha corrente eléctrica [[corrente continua|continua]], a [[polaridade]] da tensión vén determinada polo sentido que segue a corrente (cargas positivas), que é oposto ao sentido que seguen os electróns (cargas negativas); isto é, desde o punto con maior potencial cara ao que ten menor potencial. Polo tanto, se polo [[resistor]] R da figura da dereita circula unha corrente de intensidade I, desde o punto A até o B, producirase unha caída de tensión na mesma coa polaridade indicada.

 

== Tensión eficaz ==

 

A tensión eficaz ou [[valor eficaz]] da tensión é o valor medido pola maioría dos voltímetros de [[corrente alterna]]. Equivale a unha tensión constante que, aplicada sobre unha mesma [[resistencia eléctrica]], consume a mesma potencia eléctrica, transformando a [[enerxía eléctrica]] en [[enerxía térmica]] por [[efecto Joule]].

:<math>V_{ef} = \sqrt {{1 \over {T}} {\int_{0}^{T} {V^2(t)}\, dt}}</math>.

 

En [[corrente alterna]], a tensión varía conforme unha [[Sinusoide|onda sinusoidal]].