Pompeia: Diferenzas entre revisións

A cidade de '''Pompeia''', xunto con [[Herculano]] e moitos outros lugares máis pequenos e situados ao redor da [[Baía de Nápoles]], foron municipios romanos destruidos pola erupción do [[Monte Vesuvio|Vesubio]] no ano [[79]]. A erupción foi descrita por [[Plinio o Novo]], cuxo tío [[Plinio o Vello]] morreu despois de realizar varias viaxes pola baía cunha flota de barcos de pesca para salvar algunhas persoas que estaban pechadas nos pobos costeiros.

 

== Orixes de Pompeia ==

 

A cidade foi fundada no [[Século -VII|século VII adC]] polos Osci, un pobo da [[Italia]] central, nun outeiro cerca da desembocadura do río [[Sarno]], utilizada previamente como porto seguro por navegantes [[Grecia|gregos]] e [[Fenicia|fenicios]]. Cando os [[etrusco]]s supoñían unha ameaza, Pompeia aliouse cos gregos, os cales dominaban a baía de [[Nápoles]]. No [[Século -V|século V a.C.]] os [[Samnita]]s conquistan Pompeia e outras cidades da rexión ([[Campania]]). Os novos gobernantes impuxeron a súa arquitectura e ampliaron a cidade. Crese que durante a dominación samnita, os romanos conquistaron a cidade durante un curto período, pero esas teorías nunca se puideron verificar.

 

== O Vesuvio sepulta a cidade ==

 

En agosto do ano [[79]] unha erupción do monte Vesubio escureceu o ceo e sepultou a cidade. As únicas crónicas fiábeis do ocorrido foron escritas por [[Plinio o Xove]] nunha carta enviada ao historiador [[Publio Cornelio Tácito]]. Plinio observou desde a súa vila en [[Miseno]] (a 30 km do [[Monte Vesuvio|Vesuvio]]) un estraño fenómeno: Unha grande nube escura con forma de piñeiro saíndo do cume do monte. Ao cabo dun tempo, a nube descendeu polas abas do Vesubio e cubriu todo polos arredores, incluíndo o mar.

 

== Perdida durante 16 séculos ==

 

Gordas capas de cinza cubriron dúas cidades situadas na base da montaña, e os seus nomes e localizacións foron esquecidos. [[Herculano]] foi redescuberta en [[1738]], e Pompeia en [[1748]]. Desde entón, ambas as vilas foron escavadas revelando numerosos edificios intactos, así como pinturas murais. Realmente a descuberta tivo lugar no ano [[1550]], cando o arquitecto Fontana estaba escavando un novo curso para o [[río Sarno]]. Pero houbo que esperar 150 anos antes de que se iniciara unha campaña para desenterrar as cidades. Até esa data, asumíase que Pompeia e Herculano xa se perderan para sempre.

 

O foro, os baños, moitas casas e algunhas vilas permaneceron nun sorprendente bo estado de conservación. Un hotel de 1000 m² foi descuberto a escasa distancia da cidade, e hoxe en día coñécese como "Grande Hotel Murecino".

Pompeia é a única cidade antiga da que se coñece de forma precisa a súa estrutura topográfica, sen modificacions posteriores. Non estaba distribuida nun plano regular como acostumaba ocorrer coas cidades romanas, debido á irregularidade do terreo. Pero as súas rúas eran rectas e formaban unha reixa ao máis puro estilo romano, co seu [[cardo]] e o seu [[decumano]]. Estaban pavimentadas con pedras poligonais e había casas e comercios a ambos os lados.

 

== Danos sísmicos e volcánicos ==

Unha importante área das investigacións céntrase nas estruturas que estaban sendo restauradas durante a erupción (presumibelmente danadas no terremoto do ano [[62]]). Algunhas das pinturas antigas danadas puideron ser cubertas con novos frescos, e utilízanse modernos instrumentos para analizar as pinturas ocultas. A razón máis probábel pola cal esas estruturas aínda estaban sendo reparadas 10 anos despois do terremoto era a crecente frecuencia de pequenos tremores que precederon á erupción.

Durante as escavacións, ocasionalmente achábanse ocos na cinza que contiveran restos humanos. Alguén tivo a idea de volver a encher estes ocos con pasta de modelar, e o resultado foron "estatuas" que mostraban con grande precisión o último momento da vida dos cidadáns que non puideron escapar á erupción. Nálgúns deles a expresión de terror é claramente visíbel.

 

 

En [[2002]] un importante descubrimento na desembocadura do río Sarno revelou que no porto tamén había vivendas, moitas delas [[palafito]]s cun sistema de canais que suxiren unha certa similitude con [[Venecia]].

{{Commons|Pompeii|Pompeia}}