Mercado: Diferenzas entre revisións

 

{{Outroshomónimos|Mercado (homónimos)}}

O '''mercado''', en [[economía]], é calquera conxunto de transaccións, acordos ou intercambios de mercadorías (bens e/ou servizos) entre compradores e vendedores. En contraposición cunha simple [[venda]], o mercado implica a existencia dun comercio regular e regulado, dándose unha certa [[competencia]] entre os participantes. O mercado xorde desde o intre en que se unen grupos de vendedores e compradores ([[concorrencia]]), e permite que se articule o [[lei da oferta e da procura|mecanismo da oferta e da procura]]; de feito, mercado é tamén o lugar onde se compran e venden bens. Os primeiros mercados da historia funcionaban mediante o [[troque]]. Tras a aparición do [[diñeiro]], empezáronse a desenvolver códigos de comercio que, finalmente, deron lugar ás modernas [[empresa]]s nacionais e internacionais. Á medida que a produción aumentaba, as comunicacións e os intermediarios empezaron a desempeñar un papel máis importante nos mercados.

 

O termo mercado tamén se emprega para se referir á demanda de consumo potencial ou estimada.

 

 

O concepto clásico de mercado de libre competencia, define un tipo de mercado ideal, no cal é tal a cantidade de axentes económicos interrelacionados, tanto compradores como vendedores, que ningún de eles é capaz de interferir no prezo final do ben ou servizo intercambiado. Por tanto existen tensións neste sistema cando se dan casos de [[monopolio]]s ou [[oligopolio]]s