Illas Salomón: Diferenzas entre revisións

As tradicións guerreiras dos melanesios persistiron un pouco acougadas baixo o protectorado ata a invasión xaponesa en [[1942]]. Isto foi seguido por unha batalla sanguenta de seis meses gañada polos americanos en 1943. Sesenta e sete barcos de guerra afundíronse, os xaponeses perderon 40.000 homes e os americanos 7.000. A capital [[Tulagi]], a cal fora destruída durante a guerra, foi substituída por [[Honiara]] na illa de [[Guadalcanal, Illas Salomón|Guadalcanal]] onde os americanos construíran unha base militar.

 

Logo da guerra, os insulares da [[illa Malaita]] fixeron coñecer o seu desexo de autonomía, os británicos introduciron asembleas rexionais e eventualmente estableceron un Consello Gobernativo en [[1970]]. Finalmente concedéuselles a independencia en [[1978]]. Desde entón, o país foi dirixido máis ou menos correctamente a pesar das fortes rivalidades entre as illas.

 

 

== Xeografía ==

As illas Salomón son un [[arquipélago]] constituído por numerosas [[illa]]s. situado ao suroeste do [[océano Pacífico]], ao leste de [[Papúa Nova Guinea]]. As illas principais son: [[Choiseul]], as [[illas Nova Xeorxia]], [[Illa de Santa Isabel|Santa Isabel]], as [[illas de Russel]], as [[illas Florida]], [[Malaita (illa)|Malaita]], [[Guadalcanal, Illas Salomón|Guadalcanal]], [[Sikaiana]], [[Maramasike]], [[Ulawa]], [[Uki]], [[Illa de San Cristóbal|San Cristóbal]], [[Illa de Santa Ana|Santa Ana]], [[Rennell e Bellona]] e as [[illas Santa Cruz]]. A distancia entre as illas máis occidentais e as máis orientais é de preto de 1500 quilómetros.