Hermann de Reichenau: Diferenzas entre revisións

'''Hermann de Reichenau''' (tamén chamado '''Hermannus contractus''' ou '''Hermannus Augiensis'''), nado en [[Altshausen]], na actual [[Alemaña]], o [[18 de xullo]] de [[1013]] e finado na [[abadía]] [[Orde de San Bieito|bieita]] de [[Reichenau]] o [[24 de setembro]] de [[1054]], foi un estudoso do [[século XI]], [[compositor]] e teórico [[música|musical]], [[matemáticas|matemático]] e [[astronomía|astrónomo]]. Hermannus foi fillo do [[duque]] de Altshausen. Perxudicado por unha enfermidade que o deixou paralítico desde a infancia, pasou a maior parte da súa vida na [[abadía de Reichenau]], unha [[illa]] no [[lago Constanza]]. Hermannus contribuíu ás catro [[arte]]s do ''[[quadrivium]]''. Era coñecido como compositor musical, mais tamén escribiu un tratado sobre a [[ciencia]] da música, varias obras sobre [[xeometría]] e [[aritmética]] e tratados astronómicos (incluíndo instrucións para a construción dun [[astrolabio]]).