Guerra dos Sete Anos: Diferenzas entre revisións

Denomínase '''Guerra dos Sete Anos''' á serie de conflitos internacionais desenvolvidos entre [[1756]] e [[1763]], para establecer o control sobre [[Silesia]] e pola supremacía colonial en [[América do Norte]] e [[India]]. Tomaron parte por unha banda [[Prusia]], [[Hannóver - Hannover|Hannover]] e [[Gran Bretaña]], xunto ás súas colonias americanas e o seu aliado [[Portugal]] tempo máis tarde; e por outra banda [[Saxonia]], [[Austria]], [[Francia]], [[Rusia]], [[Suecia]] e [[España]], esta última a partir de 1761. Producíase un cambio de coalicións con respecto á [[Guerra de Sucesión Austríaca]] aínda que o conflito de Silesia e a pugna francobritánica seguen sendo as claves.

 

 

== Fronte Americana ==

En América do Norte, Francia atopábase en retroceso tras ceder en 1748 a fortaleza de Luisburgo na Illa de Cabo Bretón a cambio de Madrás. A guerra comezou en [[1754]]. A rivalidade colonial entre Francia e Gran Bretaña debíase ao control das zonas peleteiras, a disputa polas terras situadas ao oeste dos montes [[Apalaches]] e os dereitos de pesca en [[Terra Nova]]. Francia quería frear a expansión inglesa cara ao oeste, mediante a construción dunha cadea de fortes, entre os seus territorios [[Canadá|canadenses]] e [[Nova Orleáns]]. Nos primeiros anos logrou acumular varias vitorias, pero en [[1757]], [[William Pitt (o Vello)]], puxo ao xeneral británico James Wolfe ao mando das tropas en América. Como consecuencia en 1759 conquistaron [[Quebec]] e ao ano seguinte capitulou [[Montreal]]. Os británicos conquistaran todo o Canadá francés.