Francisco Villar Liébana: Diferenzas entre revisións

'''Francisco Villar Liébana''' é un lingüista español especializado en [[Lingua protoindoeuropea|indoeuropeo]] e paleohispanística, autor de varios traballos fundamentais nestes eidos. É catedrático de [[lingüística indoeuropea]] na [[Universidade de Salamanca]].

== Traxectoria==

Discípulo de [[Francisco Rodríguez Adrados]], ten levado a cabo numerosos estudos sobre a [[Hispania prerromana]], contribuíndo entre outras cousas á comprensión dos ''[[Bronces de Botorrita]]'' (os máis importantes testemuños da [[lingua celtibérica]] e, máis amplamente, das [[linguas célticas continentais]]) e ao desenvolvemento dos estudos sobre as linguas da Hispania antiga: as chamadas [[linguas paleohispánicas]], do [[Lingua tartésica|tartésico]] ao [[Lingua lusitana|lusitano]]. Por outra banda ten feito aportacións ao desenvolvemento da [[indoeuropeística]], en especial profundando na vertente lingüística da [[cultura Kurgan|teoría kurgánica]] proposta por [[Marija Gimbutas]] e contrastando por consecuencia coa [[hipótese anatolia]] para o proceso de [[indoeuropeización]], avanzada, no ámbito arqueolóxico, por [[Colin Renfrew]]; outros campos nos que ten investigado van desde a dialectoloxía indoeuropea á reconstrución dos procesos de indoeuropeización de Eurasia, con particular atención ás contribucións provenientes dos estudos de [[hipóteses xenéticas sobre o poboamento de Europa|xenética histórica]] de [[Luigi Luca Cavalli-Sforza]].