Fosfolípido: Diferenzas entre revisións

 

Os '''fosfolípidos''' son un tipo de [[lípido]]s que son os principais compoñentes das [[membrana plasmática|membranas celulares]], as cales están constituídas por unha [[bicapa lipídica]]. Deben o seu nome a que presentan un [[fosfato|grupo fosfato]] na súa molécula. A maioría dos fosfolípidos conteñen un [[diacilglicérido]], un [[fosfato|grupo fosfato]], e unha molécula orgánica pequena terminal polar, como a [[colina]]; pero hai un grupo deles, os [[esfingolípido]]s, como as [[esfingomielina]]s, que en lugar do diacilglicérido teñen unha [[esfingosina]] unida a un [[ácido graxo]]. O primeiro fosfolípido que foi identificado nos tecidos biolóxicos foi a [[fosfatidilcolina]] (orixinalmente chamada [[lecitina]]) obtida da xema do [[Ovo (alimento)|ovo]], por [[Theodore Nicolas Gobley]], un químico e farmacéutico francés, en 1847.