Fase escura: Diferenzas entre revisións

{{VT|Fase luminosa}}

A '''fase escura''' da fotosíntese ou '''reaccións independentes da luz''' da fotosíntese é a fase da [[fotosíntese]] consistente na síntese de azucres por medio de reaccións encimáticas utilizando como fonte de carbono o CO₂ atmosférico. Estas reaccións denomínanse [[ciclo de Calvin]], teñen lugar no [[estroma]] dos [[cloroplasto]]s e non precisan a absorción de enerxía da luz. A fotosíntese ten tamén unha fase previa, chamada [[fase luminosa]] na que se absorbe enerxía luminosa. O nome de escura procede, precisamente, desta <u>non absorción de luz</u>, pero non quere dicir que se produza de noite; de feito, as dúas fases da fotosíntese, luminosa e escura, teñen lugar de día; por iso ás veces se prefire falar de ''reaccións independentes da luz'' en vez de fase escura. De todos modos, este termo tamén é problemático, porque de forma indirecta a fase escura tamén está influída pola luz.

 

 

==Fixación do carbono==

A fase escura comeza coa fixación redutiva do carbono procedente do CO₂ no azucre presente nos cloroplastos ribulosa 1,5-bifosfato (RuBP ou Ru1,5DP). A reacción está catalizada polo encima ribulosa bifosfato carboxilase oxixenase ou, abreviadamente, '''[[rubisco]]''' (ou RuBisCO).

 

{{AP|Fotorrespiración}}

O encima rubisco ten propiedades especiais. É un encima que normalmente carboxila á ribulosa 1,5-bifosfato (introduce CO₂), pero en certas condicións en vez de carboxilar ten unha actividade oxidativa, na que en vez de introducir CO₂ introduce O₂ no azucre. Isto ten como consecuencia que en lugar de formárense dúas moléculas de 3-fosfoglicerato se forme unha molécula de fosfoglicerato e outra de [[fosfoglicolato]]. Esta actividade oxidativa ten lugar cando hai na planta concentracións altas de O₂, baixas de CO₂ e altas temperaturas.

 

O fosfoglicolato así formado debe converterse en 3-fosfoglicerato por medio dun conxunto complexo de reaccións que se chama [[fotorrespiración]]. Na fotorrespiración hai que gastar ATP e poder redutor, polo que fai decrecer o rendemento da fotosíntese, e é prexudicial para a planta. Como nos climas tropicais e cálidos estarían favorecidas as condicións que promoven a fotorrespiración, as plantas desas zonas desenvolveron os tipos de fotosíntese C4 e CAM, que minimizan a fotorrespiración.

Esta ribulosa 1,5-bifosfato xa pode recomezar o ciclo cunha nova fixación de CO₂.

 

 

==Regulación da fase escura==