Estoma: Diferenzas entre revisións

 

En [[botánica]], denomínanse '''estomas''' os pequenos [[poro]]s das [[planta]]s localizados na superficie das súas [[folla]]s. Constan de dúas grandes [[célula]]s de garda e oclusivas rodeadas de células acompañantes. A separación que se produce entre as dúas células de garda (que se poden separar polo centro manténdose unidas polos extremos) denominada "[[ostíolo]]", regula o tamaño total do [[poro]] e, por tanto, a capacidade de intercambio de [[gas]]es e de perda de [[auga]] da planta.

 

== Funcións e características ==

Son usados para o intercambio gaseoso co medio. O [[osíxeno]] e [[dióxido de carbono]] son intercambiados co ambiente a través destes poros. A adquisición de dióxido de carbono e o intercambio de osíxeno son fundamentais para que se desenvolvan os procesos de [[fotosíntese]] e [[Respiración vexetal|respiración das plantas]]. Con todo, a súa apertura tamén provoca a perda de auga da planta en forma de [[vapor]] a través do proceso denominado [[Transpiración vexetal|transpiración]].