Epidauro: Diferenzas entre revisións

 

 

'''Epidauro''' ([[lingua grega|grego]] Ἐπίδαυρος, ''Epídauros'', [[latín]] ''Epidaurus'') era unha pequena cidade [[Grecia|grega]] da [[Argólida]], península ao nordeste do [[Peloponeso]]. É principalmente coñecida polo seu santuario de [[Asclepio]], a uns 8 km ao oeste da cidade, e polo seu [[teatro de Epidauro|teatro]], que acolle representacións aínda nos nosos días. A cidade grega actual chámase '''Epídhavro'''.

 

En época histórica, oligarcas dóricos continuaban sendo os dirixentes da cidade, que era unha das principais cidades comerciais do Peloponeso, e colonizou [[Exina]] que, durante moito tempo foi unha dependencia súa. Tamén colonizou [[Cos - Κως|Cos]], [[Calimnos]] (''Calidnos'') e [[Nisiros]], pero cando o comercio creceu, Exina aumentou a súa importancia e suplantou á metrópole no século VI a.C.

 

Epidauro foi sempre fiel aliada de [[Esparta]] mentres que coa súa metrópole, [[Argos (Grecia|Argos), rompeu relacións despois da instauración nesta cidade da [[democracia grega|democracia]]. A cidade de Epidauro estaba gobernada por ''artinos'' (''artynae'') que presidían un Consello de 180 membros; os habitantes orixinais non dorios eran os ''konípodes'', que traballaban a terra para os seus amos dorios, pero non eran escravos.

 

== Arqueoloxía ==

 

As ruínas de Epidauro foron escavadas a partir do [[século XIX]], e permitiron descubrir as ruínas do santuario de [[Asclepio]], dun templo de [[Artemisa]], dun ''[[tholos]]'', dun templo de [[Afrodita]] e, sobre todo, do [[teatro de Epidauro|teatro]].