Dead Kennedys: Diferenzas entre revisións

=== "Holiday in Cambodia" e ''Fresh Fruit for Rotting Vegetables'' ===

A principios de 1980 gravaron e editaron o sinxelo "Holiday in Cambodia". Posteriormente nese mesmo ano, a banda lanzou o seu álbum de estrea, ''[[Fresh Fruit for Rotting Vegetables]]''. O disco acadou o número 33 na lista de álbums británica. En xaneiro de 1981 Ted anunciou que quería deixar o grupo para seguir unha carreira na arquitectura e que buscaría un substituto. Realizou o seu derradeiro concerto en febreiro de 1981 e sería substituído por D.H. Peligro (Darren Henley).

Por esas mesmas datas, East Bay Ray intentou meter presión ao resto da banda para asinar co gran selo [[Polydor Records]]; Biafra dixo que estaba preparado para deixar o grupo se o resto dos membros querían asinar coa discográfica, aínda que East Bay Ray afirma que el recomendou non realizar o contrato con Polydor. O selo finalmente decidiu non asinar cos Dead Kennedys despois de saber que o seguinte sinxelo que tiña planeado o grupo sería "Too Drunk to Fuck".