Baía, Brasil: Diferenzas entre revisións

 

== Xeografía ==

Bahia é o quinto estado do Brasil en extensión territorial. Equivale a 36,3% da área total da [[Rexión Nordeste (Brasil)|Rexión Nordeste]] e 6,64% do territorio nacional. A súa superficie total de 567.295,3 km² é un pouco máis grande que [[España]], sendo que 68,7% dela atópanse na rexión do [[semiárido]]. O seu litoral é o máis longo de Brasil, con 1.183 km de extensión, e abriga moitos tipos de [[ecosistema]]s, favorecendo a actividade [[turismo|turística]] pola súa rara beleza.

 

 

=== Relevo ===

O relevo do estado é caracterizado pola presenza de planicies, altiplanos e depresións. Uns 90% da súa superficie están por riba dos 200 m. O punto máis alto de Bahia é representado polo Pico das Almas, situado na Serra das Almas, con 1.958 metros. Os altiplanos e as ''chapadas'' presentes no relevo mostran que a erosión traballou en procura de formas planas.

 

 

=== Vexetación ===

Hai tres tipos principais de [[vexetación]]: o [[selva tropical|bosque tropical]] húmido (coñecido como ''mata atlántica'', está bastante descaracterizado, debido á ocupación do litoral. É máis abundante en reservas ao sur do estado, próximas á cidade de Porto Seguro), o ''cerrado'' (vexetación do tipo [[sabana]] ó oeste do estado) e a ''[[caatinga]]'', sendo esta última dominante na maioría do territorio.

 

 

== Economía ==

A economía do estado baséase na agricultura ([[cana de azucre]], [[mandioca]], [[feixón]], [[millo]], [[cacao]] e [[coco]]); na [[industria]] (química, petroquímica, automóbil e súas pezas); e na minería. Hai un importante parque industrial na rexión metropolitana de Salvador (área coñecida como [[Recôncavo Baiano]] por estar xunto á Baía de Todos os Santos), co destaque para o pólo petroquímico de [[Camaçari]] e para a fábrica da [[Ford]] na mesma cidade.

 

=== Turismo ===

O [[turismo]] tamén é moi importante nas cidades de Salvador (coas súas construcións históricas, praias, e o seu famoso [[Carnaval]]), [[Ilhéus]], Itaparica, Morro de São Paulo, e [[Porto Seguro]] e outras do seu litoral sur. Xa o litoral ó norte de Salvador ata a divisa co estado de [[Sergipe]] transformouse recentemente en destino turístico importante, coa construción de complexos hoteleiros na Costa do Sauípe.