Partido Socialista Unificado de Alemaña: Diferenzas entre revisións

== Historia ==

O SED foi fundado en abril de [[1946]] mediante a unificación do [[Partido Comunista de Alemaña]] (KPD) e o [[Partido Socialdemócrata de Alemaña]] (SPD) na zona soviética de ocupación de Alemaña tras a [[Segunda Guerra Mundial]]. O resultado foi a creación dun partido poderoso, con máis de 1.260.000 afiliados. En outubro dese mesmo ano celebráronse eleccións e a SED obtivo case o 50% dos votos en [[Alemaña Oriental]]. O SED formou seguidamente o ''Fronte Nacional de Alemaña Democrática'' coa ''Mocidade Libre Alemá'', a Federación Alemá de Sindicatos Libres e as organizacións democristiás e liberais do Leste.

Esta coalición unitaria, controlada na práctica polo SED, ocupou os escanos da Cámara do Pobo da RDA até as eleccións de [[1990]]. A finais dos [[1980|anos 1980]], o Partido Socialista Unificado contaba con 2,8 millóns de militantes e exercía o control total da vida política do país. O seu secretario xeral era o primeiro gobernante da República e o seu diario, ''[[Neues Deutschland]]'' (''Nova Alemaña''), un dos máis lidos. Os seus secretarios xerais durante este período foron [[Wilhelm Pieck]] (1946-1950), [[Walter Ulbricht]] (1950-1971), [[Erich Honecker]] (1971-1989) e [[Egon Krenz]] (1989).