O hobbit: Diferenzas entre revisións

Nas Montañas Bretemosas atoparon cunha tormenta que os obrigou a resgardarse nunha caverna chea de trasgos. Ao se dispersaren, Bilbo atopou un anel, e despois chegou á beira dun lago subterráneo, onde estaba a criatura [[Gollum]]. Este desafiouno a un xogo de adiviñas, prometendo que se gañaba Bilbo, axudaríao a saír. Tras perder, logo dunha pregunta de Bilbo que Gollum tomou como adiviña, Gollum negouse a cumprir a promesa e foi na procura do seu anel para matar a Bilbo, e este botou a correr tras saber que o anel facía invisible a quen o levase. Logo de lograr escapar, logrou reunirse no exterior da montaña coa compañía. Esta foi perseguida de novo por un grupo de trasgos e dwargos, pero foron rescatados por un grupo de águias.

 

Logo de descenderen a montaña, os ananos, o hobbit e o mago chegaron á casa de [[Beorn]], un home-oso, quen lles prestou armas e [[poni]]s chegaren ao Bosque Negro. Alí Gandalf debeu ausentarse por un tempo, e a compañía foi apresada polas arañas e polos elfos do bosque, gobernados polo rei [[Thranduil]], se ben Bilbo logrou rescatalos as dúas veces.