Noal, Porto do Son: Diferenzas entre revisións

No interior hai labras heráldicas dos Patiño, Caamaño e dos Lamas, ademais dunha imaxinería coa figura de San Vicente do Altar Maior realizada por Xosé Ferreiro.

 

A '''capela da Nosa Señora da Misericordia''', máis coñecida como '''capela da Atalaia''', construíuse inicialmente no [[século XV]], mantendo aínda elementos [[arquitectura gótica|gótico]]s, se ben foi reformada a finais do [[século XVIII]] e ampliada a finais do [[século XIX|XIX]] coa construción da nave principal entre o presbiterio e a porta e das torres das campás e a sancristía na parte posterior.

 

A capela maior é de planta cadrada co piso a maior altura có do corpo central e con bóveda de cruzaría. Ten unha capela no lateral esquerdo dende a que se accede á sancristía. O retablo da capela maior é de cinco vanos e leva á Nosa Señora da Misericordia no central, acompañada de San Domingos, San Pedro, San Francisco e San Roque.

 

[[Ficheiro:Noal, Loreto 01-05.jpg|thumb|250px|Cruceiro da capela de Santa María de Loreto]]

A '''capela da Nosa Señora de Loreto''' data do século XIX. É unha pequena ermida de planta rectangular cunha soa nave coa capela na cabeceira de menor ancho e proporcións cadradas, cunha sancristía no lateral dereito do presbiterio, con acceso desde o exterior. Os muros son de cantería, e neles ábrense dúas pequenas fiestras na nave principal e unha no presbiterio, ademais dunha entrada lateral a carón da sancristía. No interior ten un coro de madeira con escaleira de acceso apegada ao muro.