Lisina: Diferenzas entre revisións

== Biosíntese ==

Como aminoácido esencial, a lisina non se sintetiza no organismo dos animais e, por conseguinte, estes deben inxerilo como lisina ou como proteínas que conteñan lisina. Existen dúas rutas coñecidas para a [[biosíntese]] deste aminoácido. A primeira lévase a cabo en [[bacteria]]s e [[plantas]] superiores, a través do [[ácido diaminopimélico]], e a segunda na maior parte dos [[Fungo (bioloxía)|fungo]]s superiores, por medio do [[ácido α-aminoadípico]]. Nas plantas e nos microorganismos a lisina sintetízase a partir de [[ácido aspártico]], que se converte en primeiro lugar en [[β-aspartil-semialdehido]]. A [[ciclación]] xera [[dihidropicolinato]], que se reduce a Δ¹-piperidina-2,6-dicarboxilato. A apertura do anel deste [[heterociclo]] xera unha serie de derivados do [[ácido pimélico]], que finalmente xeran lisina.

Algúns dos encimas que participan nesta biosíntese son os seguintes:<ref>Nelson, D. L.; Cox, M. M. ''Lehninger, Principles of Biochemistry'', 3a. ed. Worth Publishing: New York, 2000. ISBN 1-57259-153-6.</ref>