Francesc Macià: Diferenzas entre revisións

 

Con todo tivo que saír da institución militar logo de condenar o ataque dalgúns oficiais do exército ao semanario ''[[La Veu de Catalunya]]'' en ([[1905]]). (Asaltaron a imprenta na que se elaboraba o semanario que publicara unha caricatura que consideraron vexatoria para os oficiais destinados en Cataluña. No canto de tomarse medidas contra os militares déuselles a razón e aos autores da caricatura xulgóuselles por un Tribunal Militar).

Logo dunha fracasada viaxe a Moscova para pedir axuda ás autoridades comunistas decidiu contar exclusivamente coas súas forzas e organizar directamente unha incursión armada en Cataluña. En [[1922]] fundou o partido separatista [[Estat Català]] (Estado Catalán), en [[1931]] o partido fusiónase con [[Esquerra Republicana de Catalunya]] gozando de autonomía interna. En [[1926]] con [[Estat Català]] intentou unha [[Complot de Prats de Molló|acción armada]] contra a [[ditadura de Primo de Rivera]], desde [[Prats-de-Mollo-la-Preste]] (o denominado «complot de Prats de Molló»), en [[Francia]]. Este intento foi abortado pola [[Gendarmería Nacional de Francia|Gendarmería francesa]], pero lle fará gañar moita popularidade en [[Cataluña]]. Abortado o complot, Macià foi detido e desterrado a Bélxica. Tras residir uns cantos meses en Bruxelas, entrou clandestinamente en Arxentina, onde residiu máis de medio ano. Fundou na Habana o [[Partido Separatista Revolucionario de Cataluña]], do cal foi presidente e no que estudou por primeira vez a posibilidade de constituír unha República Catalá (setembro-outubro de 1928). Caída a ditadura do xeneral Primo de Rivera (xaneiro de 1930), Macià regresa a Cataluña finalmente o 22 de febreiro de 1931.