Baía de Guantánamo: Diferenzas entre revisións

 

Estados Unidos clasifica os prisioneiros encarcerados nos campos Delta e Echo como [[combatentes inimigos ilegais]], pero non contempla o artigo 5 do tribunal que se require pola [[Lei Internacional]] para avalalos. Isto outorga ós prisioneiros os dereitos da [[Cuarta Convención de Xenebra]] (GCIV), en oposición á [[Terceira Convención de Xenebra]] (GCIII) que trata exclusivamente sobre prisioneiros de guerra. O 9 de novembro de 2004 o xuíz James Robertson da Corte de Distrito de Estados Unidos estableceu que a administración de [[George W. Bush]] sobrepasou a súa autoridade ó tratar os devanditos prisioneiros como combatentes inimigos nun tribunal militar e negarlles o acceso ás probas usadas contra eles.

O [[30 de novembro]] de [[2004]], o xornal ''[[New York Times]]'' publicou extractos dun memorando interno da administración de Bush, [http://nytimes.com/2004/11/30/politics/30gitmo.html 2], no que se refire a un informe do [[Comité Internacional da Cruz Vermella]] (CICR). O informe indica varias actividades nas que, se di, eran "equivalentes a [[tortura]]": exposición de ruidos ou música molesta, temperaturas extremas por tempo prolongado ou malleiras. Tamén se informou da existencia dun equipo científico de comportamento (BSCT), tamén chamado Biscuit, e a comunicación de información médica confidencial ós equipos de interrogación por parte dos médicos da base (debilidades, [[fobia]]s, etc.), dando por resultado a perda da confianza ós médicos por parte dos presos na base.