Alejandro Lerroux: Diferenzas entre revisións

Lerroux García, fillo dun veterinario militar, comezou a carreira das armas, pero a abandonouabandonouna enseguida. Licenciouse en Dereito, e desde a súa mocidade militou nos partidos [[Republicanismo|republicanos]], seguindo a [[Manuel Ruiz Zorrilla]]. Dedicouse ao [[xornalismo]], desenvolvendo un estilo agresivo e populista; dirixiría varias publicacións, entre elas ''El País'', ''El Progreso'', ''La Publicidad'', ''El Intransigente'' e ''El Radical''. Varias veces detido e preso, impenitente duelista á usanza [[Romanticismo|romántica]], estableceuse en [[Barcelona]], onde foi nomeado director do diario ''La Publicidad''. Coas súas campañas, duramente [[Anticlericalismo|anticlericais]] e [[Populismo|populistas]], gañouse ao ambiente [[obreiro]], e chegou a ser chamado ''o Emperador do Paralelo'', sector barcelonés de alegre vida nocturna. As campañas do seu xornal produciron disturbios de carácter [[Antimilitarismo|antimilitarista]] e [[Anticatalanismo|anticatalanista]], contrarrestados por fortes reaccións doutros sectores opostos, ata que o aire barcelonés empezou a facérselle irrespirable.