[[Ficheiro:Stonehenge back wide.jpg|thumb|335px|right|[[Stonehenge]]]]
O '''Neolítico''', ''Nova Idade de Pedra'', (do [[grego antigo|grego]] ''neósnéos'' "novo" e ''lithos'' "pedra"), por contraposición a [[Paleolítico]] ou ''Vella Idade de Pedra'', é un dos períodos en que se considera dividida a [[Prehistoria]]. Inicialmente se lle deu este nome en razón dos achados de ferramentas de pedra pulimentada que parecían acompañar ó desenvolvemento e expansión da agricultura. Hoxe en día defínese o neolítico precisamente en razón do coñecemento e uso da [[agricultura]] ou da [[gandaría]]. Normalmente, pero non necesariamente, vai acompañado polo traballo da [[olería]].
