Academia (institución): Diferenzas entre revisións

A palabra academia designaba na súa orixe un corpo de profesores, unha escola onde se profesaba un ramo de ensino, especialmente do que se chama facultade maior. Por iso ó fundar as [[universidade]]s, reunindo todas ou gran parte das facultades, denomináronse ''academias'', nome que aínda se conserva en latín. En tempo de [[Augusto]] César, líanse composicións poéticas polos propios autores en asembleas ou xuntas privadas onde só eran admitidos homes doctos capaces de censuralas. O mesmo Augusto adoitaba recitar as súas composicións en tales xuntas e escoitaba cortés e pacientemente non só ós que nelas recitaban poesías senón tamén oracións e diálogos. Estes e outros testemuños que nos conserva a historia acreditan a reunión dos homes entendidos con obxecto de cultivar as letras e as ciencias en tempo dos romanos. [[Carlomagno]], a solicitude do seu mestre [[Alcuino]], promoveu unha reunión de amigos do mesmo monarca os cales cultivaban a [[gramática]], a [[historia]], a [[retórica]], e as [[matemáticas]]. No século seguinte fundou Alfredo en [[Oxford]] outra sociedade ou academia que como a dos árabes en [[Granada, España|Granada]] e [[Córdoba, España|Córdoba]], era máis ben unha escola, que serviu de base para a universidade erixida no mesmo punto. Pero estas sociedades non poden considerarse como academias no sentido común da palabra, segundo as noticias que chegaron até nós.<ref name="Dicionario">''Diccionario de educación y métodos de enseñanza.'' Mariano Carderera. 1858</ref>

No [[Renacemento]] fundouse a [[academia platónica florentina]] (1440, [[Cosme I de Médici]], [[Marsilio Ficino]], [[Pico della Mirandola]], etc.). A partir dela difundiuse a idea de ''academia'' como [[institución]] cultural onde, fóra do ámbito da [[universidade medieval]], que quedara anquilosada na [[Escolástica (filosofía)|escolástica]], posibilitábase o contacto e intercambio de ideas entre a multiplicidade de disciplinas intelectuais que englobaba o novo concepto de [[humanista]] (filólogos, poetas, artistas, científicos, condicións que moitas veces coincidían na mesma persoa). Foron esenciais para o inicio da [[modernidade]] que levou á [[revolución científica]] do século XVII: a [[Accademia Nazionale dei Lincei|Academia Linceana]] en Roma ([[Federico Cesi]], 1601-1630), a [[Accademia do Cimento]] en Florencia ([[Evangelista Torricelli]], [[Giovanni Alfonso Borelli|Giovanni Borelli]], 1657-1667 -''cimento'' significa "experimento", e o seu lema era ''Probando e reprobando''), a [[Royal Society]] inglesa (1660), a [[Academia das Ciencias francesa]] en París (1666) (estas dúas últimas representaban dous modelos de organización alternativos: mentres que a inglesa era un [[club]] privado cuxos membros pagaban cotas, a francesa era unha institución pública a soldo do Estado); e a [[Academia da Arcadia]] (1690) en Roma. A actividade de [[Leibniz]] promoveu a creación de academias científicas en Berlín, San Petersburgo, Dresde e Viena.<ref>[[José Manuel Sánchez Ron]] ''Viva la ciencia!'', Barcelona: Crítica, 2009 ISBN 84-8432-916-9 pxs. 93-94 e 262</ref>