Quireza, Cerdedo-Cotobade: Diferenzas entre revisións

A igrexa de San Tomé de Quireza rematouse a principios do [[século XIX]], e nela traballou o canteiro [[Tomás Penelas]]. É unha mistura dos estilos Barroco e Neoclásico. Ten planta de cruz latina e bóveda de crucería, e no altar maior hai un retablo barroco feito en madeira policromada con predominio do dourado que data de [[1679]]. A reitoral, situada ao pé da igrexa, é un orixinal exemplo da arquitectura popular, con oito columnas de cantería sostendo unha balconada tamén de pedra. Na explanada da igrexa atópase un cruceiro chamado Cruceiro das Procesións.