Homosexualidade: Diferenzas entre revisións

Tamén houbo varios intentos de buscarlle unha orixe somática á homosexualidade, ningún deles satisfactorio. En [[1997]] LeVay, neurocientífico do Salk Institute e activista, comprobou que o tamaño do núcleo 3 do [[hipotálamo]] anterior era maior en homes que en mulleres, e que entre os homes homosexuais este se aproximaba máis ao das mulleres que ao dos homes. Este estudo foi moi criticado polos numerosos erros metodolóxicos e pola mostra escollida, e actualmente considérase falido. En 1999 Hamer, xenetista do Instituto Nacional do Cáncer dos Estados Unidos, anunciou ter localizado a rexión do [[cromosoma]] X]] (a q28) na que se atoparía o hipotético [[xene]] responsable da homosexualidade. O estudo partía dos datos [[Estatística|estatísticos]] que sinalan que os individuos homosexuais adoitan pertencer a [[Familia (socioloxía)|familia]]s nas que outros membros o son, e que esta coincidencia é máis frecuente por liña materna. Investigacións posteriores, en especial as realizadas sobre grupos de xemelgos monocigóticos, demostraron que se trataba dunha conclusión insuficientemente fundada,<ref name="morano"/><ref name="gonzalo"/><ref name="nogués"/> aínda que semella claro que hai unha correlación entre a orientación sexual do individuo promedio e a súa ascendencia por liña matrilineal.<ref name="moalem"/> Enunciáronse tamén innumerables hipóteses sobre o peso das hormonas na determinación da orientación sexual, ningunha delas concluínte.