Tomás López da Torre: Diferenzas entre revisións

O [[22 de xullo]] dese ano, tras o [[Sublevación do 18 de xullo de 1936|golpe de estado que deu lugar á Guerra Civil]], columnas de blindados das tropas sublevadas procedentes deda [[A Coruña|Coruña]] aproximáronse a Betanzos, enfrontándose aos veciños leais á República e a algúns membros da [[Garda Civil]]. Terminada a resistencia, os milicianos e autoridades fuxiron da cidade. Tras a ocupación polos sublevados de Betanzos, foron incendiados a igrexa e o mosteiro de San Francisco, así como a biblioteca (unha das máis importantes da provincia coruñesa) e parte do concello, a mans de tres paisanos procedentes de [[Ferrol]] e que foran aleccionados para iso polos sublevados, un deles membro das [[Juventudes Socialistas Unificadas]] e que foi despois destacado dirixente de [[Falanxe Española]] durante a [[franquismo|ditadura franquista]]. Os asaltos e incendios foron atribuídos aos republicanos aplicándose unha dura represión sobre os mesmos. O mesmo día 22, Tomás xunto con [[José Novo Rodríguez (político)|José Novo Rodríguez]], que tamén fora alcalde da localidade, tras fuxir xunto de Betanzos foron detidos polos sublevados á altura de [[Guitiriz]]. Acusouse a Tomás de ''rebelión militar'' por resistir aos sublevados e de ser un dos responsables dos incendios e saqueos de Betanzos, feitos estes últimos que negou argumentando que el xa se atopaba detido cando se sucederon os asaltos. Na súa última carta preso pouco antes de morrer, sinalaba sobre os feitos e o seu proceso: