Fútbol americano: Diferenzas entre revisións

O '''fútbol americano''' é un [[deporte]] de conxunto coñecido por mesturar complexas [[estratexia]]s e un xogo físico moi intenso. Naceu hai máis de 100 anos nos [[Estados Unidos de América - United States of America|Estados Unidos]]. É un dos deportes de impacto máis competitivos do mundo onde o xogador require dunha gran [[disciplina]], adestramento físico e preparación mental. A maior manifestación competitiva e mediática deste deporte dáse na [[National Football League]] (NFL), a liga de fútbol americano profesional de Estados Unidos.

A palabra '''''football''''', do inglés ''foot'' (pé) e ''ball'' (balón), pode parecer un nome estraño para este deporte posto que o balón desprázase case sempre coas mans e moi ocasionalmente úsase o pé. A razón pola que leva este nome é que descende en liña directa do [[rugby|football rugby]], que á súa vez ten unha orixe común co deporte coñecido comunmente como [[fútbol]] (salvo en Estados Unidos, Canadá e algúns países máis, onde se denomina ''soccer''). A práctica do rugby propagouse en [[Estados Unidos de América - United States of America|Estados Unidos]] na segunda metade do [[século XIX]]. Algunhas modalidades do football rugby xogado en territorio estadounidense adoptaron unhas regras específicas que acabaron confluíndo e configurando o '''''football''''' actual.