Guayaquil: Diferenzas entre revisións

Fundada definitivamente en [[1547]] como [[estaleiro]] e [[Porto (comunicacións)|porto]] [[comercio|comercial]] ao servizo da [[Rei de España|Coroa española]], logo de varios outros intentos de fundación, serviu de punto principal na [[política]] e [[economía]] da nación. Foi sede de grandes revolucións e levantamentos ao longo da historia, sendo a primeira cidade [[Ecuador|ecuatoriana]] en obter de forma definitiva a súa [[independencia]] de [[España]] en [[1820]]. Logo foi capital da Provincia Libre de Guayaquil que se desintegrou para formar parte da [[Gran Colombia]]. Dende [[1830]] forma parte da [[República do Ecuador]] como importante eixo [[político]]. A revolución marcista, que expulsou ao militarismo estranxeiro, a revolución liberal, liderada polo xeneral [[Eloy Alfaro]], a folga xeral de novembro, de orientación [[Anarcosindicalismo|anarcosindicalista]], a [revolución de maio, de carácter popular, entre outras, son importantes puntos na historia da nación que se desenvolveron na cidade.