Kentucky está rodeado completamente por outros estados [[Estados Unidos da América|americanos]]: limita ao norte con [[Illinois]], [[Indiana]] e [[Ohio]], ao nordeste con [[Virxinia Occidental]], ao leste con [[Virxinia]], ao sur con [[Tennessee]] e ao oeste con [[Missouri]]. Os bosques cobren cerca do 30% do estado.
Toda a fronteira norte de Kentucky con outros estados está formada enteiramente polo [[Río Ohio]], que serve como división natural entre Kentucky e os estados [[Norte|septentrionaissetentrionais]]. A fronteira occidental está formada polo [[Río Mississippi]]. Kentucky é o único estado americano que posúe parte do seu territorio nun [[enclave]] localizado dentro doutro estado americano. Un pequeno pedazo de terra no extremo occidental (de feito, o punto máis occidental do estado): o ''Kentucky Bend'' (tamén chamado ''Madrid Bend'', ''Bessie Bend'' ou ''Bubbleland''), unha [[península]] fluvial, está cercada por tres lados polo Río Mississippi, facendo fronteira ao norte con Missouri e ao sur con Tennessee. Este enclave anteriormente formaba parte do corpo principal de Kentucky. Con todo, un gran [[terremoto]] en [[1811]] na rexión desviou o curso do Río Mississippi - que entón xa actuaba como unha fronteira natural entre Kentucky e Missouri - separándoo do resto de Kentucky. Porén, este enclave continuou formando parte de Kentucky, aínda estando illado do resto do estado.
Kentucky pode ser dividida en cinco rexións xeográficas:
