'''Therapsida''' ou '''terapsidos''', coñecidos tamén como [[réptil]]es mamaliformes, forman un orde da clase [[Synapsida]] (sinápsidos) que atopamos en estado [[fósil]]. Os terapsídos son ancestros dos [[mamíferos]].
Xurden no período [[Pérmico]], no final da era [[PaleozóicaEra Paleozoica]], sendo descendentes dos réptiles pelicosauros ([[Pelycosauria]]). Moitas especies desapareceran no evento de extinción en masa acontecido no fin do período [[Pérmico]], pero as especies supervivintes conseguirán adaptarse e acadarán o seu apoxeo no período [[Triásico]], xa é na [[Era Mesozoica]], cando dominarán o ambiente terrestre e se espallarán pola [[Panxea]], ocupando moitos nichos ecolóxicos e dando orixe a moitas novas especies. Con todo, ao final do [[Triásico]], houbo outra gran extinción e os terapsidos practicamente desaparecerán e seran substituidos como grupo dominante polos emerxentes [[dinosaurio]]s (con quen non tiñan parentesco directo). Unhas poucas especies perdurarán ata o final do período [[Cretácico]], cando finalmente desapareceran.
