Guerras da Indochina

As guerras da Indochina (en vietnamita: Chiến tranh Đông Dương) foron unha serie de conflictos no sudeste asiático dende 1946 ata 1979, entre nacionalistas vietnamitas e forzas francesas, norteamericanas e chinesas. O termo "Indochina", orixinalmente referido ás colonias francesas no sudeste asiático, abrangue ós actuais estados de Vietnam, Laos e Camboxa. No seu uso corrente, fai referencia máis a unha rexión xeográfica que a unha rexión política. Os catro conflictos foron:

• A Primeira Guerra da Indochina (chamada Guerra da Indochina en Francia e Guerra Francesa en Vietnam) comezou nada máis rematar a 2ª Guerra Mundial e finalizou coa derrota francesa en 1954. Tras unha longa campaña, as forzas vietnamitas impuxéronse sobre as forzas xaponesas e as da Francia de Vichy que se rendiron no norte trala 2ª Guerra Mundial. Durante a guerra mundial, o sur estivo ocupado por forzas británicas, que restableceron o goberno colonial francés. Nas Nacións Unidas, co apoio de ingleses e americanos, os franceses pediron a volta a súa colonia na Indochina na súa participación na OTAN en vista de que a Unión Soviética estábase a expandir máis aló dos países do Pacto de Varsovia durante a Guerra Fría. As forzas comunistas e nacionalistas do Vietnam continuaron a loitar contra as forzas francesas e norteamericanas con apoio da URSS e da China.
• A Segunda Guerra da Indochina (chamada Guerra de Vietnam no oeste e Guerra americana en Vietnam) comezou como un conflito entre un goberno apoiado polos Estados Unidos no sur de Vietnam e os seus oponentes, o comunista Fronte de Liberación Nacional(Viet Cong) e o Exército do Norte de Vietnam (NVA), agora coñecido como o Exército da Xente de Vietnam (PAVN). Comezou a finais dos anos 50 e durou ata 1975. Os Estados Unidos, que apoiaron ás forzas francesas no primeira guerra,apoiaron ó goberno de Vietnam do Sur contra o NVA e o Viet Cong. Vietnam do Norte volveu a te-lo apoio chinés e soviético, ambos membros do Bloque comunista. A liorta tamén tivo comno escenario parte de Camboxa e Laos, entre o goberno apoiado polos norteamericanos, o NVA e o comunista Khmer Rouge (coñecido pola Guerra Civil de Camboxa, entre 1967–1975) e Pathet Lao (coñecido pola Guerra Civil de Laos 1962–1975).
• A Guerra Camboxano-Vietnamita seguiu á Segunda Guerra da Indochina: Vietnam invadiu Camboxa e despoxou do poder ó réxime xenocida de Khmer Rouge. O conflito tivo lugar entre maio de 1975 e decembro de 1989.
• A Terceira Guerra da Indochina (tamén chamada Guerra Sino-Vietnamita) foi unha curta guerra entre febreiro e marzo de 1979 entre a República Popular China e as forzas vietnamitas. China invadira Vietnam como castigo pola invasión de Camboxa.