A '''linguaxe bulbar''' é unha perturbación da linguaxe falada caracterizada por unha mala articulación. Obsérvase en enfermidades da [[protuberancia anular]] e [[bulbo raquídeo]].
A '''disartria''' é un problema motor grave da [[boca]] e da [[lingua]], que consiste nunha perturbación da [[articulación]] dos [[fonema]]s producido normalmente por unha [[lesión cortical|lesión]] do [[sistema nervioso central]]. A [[fala]] é incorrecta e, a miúdo, inintelixíbel. Preséntase xeralmente en nenos con [[parálise cerebral]]. Agás nalgúns casos, a perda da fala vai asociada a alteracións da linguaxe, coma a incapacidade para asociar as pautas motoras e os [[sons]] da fala. Existe neste caso correlación coas probas psicolóxicas.
Pódese tamén deber a lesións periféricas que causen a [[parálise]] de certos [[órganos motores]] de execución da [[fala]].