Cloroplasto: Diferenzas entre revisións

Presenta dúas membranas de [[bicapa lipídica]], que a fai unha estrutura continua que o delimita completamente, cun pigmento de orixe propia (non proveñen do [[retículo endoplasmático]]). Ámbalas dúas membranas están separadas por un espazo intermembranoso chamado ás veces espazo periplastidial. A membrana externa é moi permeábel até os 5000D, ademais de ser rica en [[porina]]; esta contén a [[estroma]] ou matriz onde se atopan uns gránulos de [[amidón]] e un sistema membranoso interno formando [[gra]] ou moreas de [[tilacoide]]s, con substancias como a [[clorofila]], os [[carotenoide]]s, como [[caroteno]]s e [[xantofila]]s (os pigmentos fotosintéticos) ou distintos lípidos e proteínas. O devandito sistema membranoso está incomunicado co exterior, a luz dos tilacoides coñécese como [[lumen]]. A cavidade interna (menos permeábel), chamada [[estroma]], é onde se levan a cabo reaccións de fixación de [[Dióxido de carbono|CO₂]], contén [[ácido desoxirribonucleico|ADN]] circular, [[ribosoma]]s (de tipo 70s, como os bacterianos), [[gránulo (bioloxía)|gránulos]] de [[amidón]], [[lípidos]] e outras substancias, como proteínas específicas para o transporte.