Bikini Kill: Diferenzas entre revisións

Bikini Kill foi unha das bandas máis agresivas que xurdiron dun movemento coñecido como [[riot grrrl]], aparecido en [[Olympia, Washington|Olympia]] (cidade universitaria próxima a [[Seattle]]) a principios dos anos 90, que pregaba ideas [[feminismo|feministas]] por medio do [[música rock|rock]]. [[Kathleen Hanna]], como líder de Bikini Kill acabou converténdose nun símbolo das "riot grrrls". Os concertos de Bikini Kill moitas veces tiñan un clima de conflito, os homes presentes eran "convidados" a se afastar do escenario, mentres as mulleres eran chamadas á fronte onde recibían fancines e as letras das cancións, mentres a banda destilaba todo o seu peso. Kathleen era coñecida por quitarse a camiseta durante os concertos e presentarse coa palabra 'slut' (poderíamos traducila como porca) escrita no abdome ou nas costas. Unha imaxe como esa batía de fronte coas normas comerciais da industria da música, pero [[Kathleen Hanna]] e Bikini Kill non estaban preocupados por vender a súa imaxe, senón que elas querían transmitir unha mensaxe.