Diferenzas entre revisións de «Francisco Javier González Pérez»

Fran foi cotizado polos grandes clubs españois: [[Real Madrid CF]], co que asinou un precontrato que debería entrar en vigor na tempada 1995-96 e que [[Augusto César Lendoiro|Lendoiro]] recomprou a tempo por 260 millóns de pesetas; e [[FC Barcelona]], onde [[Johan Cruyff]] ao final desa mesma tempada insistiu na súa fichaxe debida á súa afinidade co estilo de xogo do equipo culé, mais a intransixencia de Lendoiro a negociar o traspaso, a menos que pagasen os 2.000 millóns da súa cláusula, disuadiu ao club catalán de calquera intento de contratalo. A tempada 1995-96, con [[John Toshack]] no banco, foi persoal e colectivamente unha das peores para Fran. Por distintos motivos nunca chegou a render ao nivel que tiña afeitos aos seus seguidores, e ademais unha lesión pechoulle todas as portas, se tiña aberta algunha, de acudir á [[Eurocopa 1996|Eurocopa de Inglaterra]]. Foi operado do xeonllo esquerdo o [[9 de maio]] de [[1996]], intervención que lle obriga estar tres meses de baixa. Nos anos seguintes os éxitos do Deportivo e de Fran continuaron chegando á culminación co título de liga logrado no ano [[2000]], ano en que Fran ademais foi convocado para a [[Eurocopa 2000|Eurocopa de Holanda e Bélxica]].
 
O seu derradeiro encontro como deportivista foi na tempada [[Primeira división española 2004/05|2004–05]], o [[22 de maio]] de [[2005]], no partido da xornada 34 que enfrontaba ao Deportivo co [[RCD Mallorca]] en Riazor e que se saldou con derrota branquiazul (0–3). Ao rematar a tempada retirouse do fútbol, xunto con [[Mauro Silva]].
Retirouse en [[xuño]] de [[2005]], tras 17 anos no primeiro equipo deportivista.
 
== Palmarés ==
32.044

edicións