Guanosín trifosfato: Diferenzas entre revisións

Durante a fase de elongación da [[tradución (proteínas)|tradución]], o GTP utilízase como fonte de enerxía para unir un novo aminoacil-ARNt (un [[aminoácido]] unido ao [[ARNt]]) so sitio A do [[ribosoma]]. O GTP tamén se usa como fonte de enerxía na translocación do ribosoma en dirección 3' sobre o [[ARNm]] en tradución.<ref>{{cite book |last=Solomon |first=EP |coauthors= LR Berg, DW Martin |title= Biology |edition=7th |pages=244–245 |year=2005}}</ref>

 

Durante a polimerización dos [[microtúbulo]]s, cada heterodímero formado por unha unidade de alfa e beta tubulina leva dúas moléculas de GTP, e o GTP [[hidrólise|hidrolízase]] a GDP cando o dímero de tubulina se engade ao extremo + do microtúbulo en crecemento. Esta hidrólise do GTP non é obrigatoria para a formación do microtúbulo, pero parece que só as moléculas de tubulina unidas a GDP poden despolimerizarse. Deste modo, a tubulina unida a GTP serve como unha carapucha no extremo do microtúbulo que o protexe da despolimerización; e unha vez que este GTP é hidrolizado, o microtúbulo empeza a se despolimerizar e decrecer rapidamente.<ref>[http://www.cytochemistry.net/Cell-biology/microtubule_structure.htm Microtubule structure]© text copyright 1996 Gwen V. Childs, Ph.D.</ref>