Andoriña: Diferenzas entre revisións

A '''andoriña''' (''Hirundo rustica'') é unha pequena ave insectívora migratoria que se atopa en [[África]], [[Europa]], [[Asia]] e [[América]]. As andoriñas europeas pasan a primavera viaxando cara o norte, chegando mesmo ata o [[Círculo Polar Ártico]], mentres pasan o inverno en África.

 

A plumaxe da andoriña é negra azulada no dorso e branca no peito. O peteiro é curto, a cola acuminada e dividida en dúas gallas, as ás fortes e longas e as patas curtas. Miden arredor de 19 cm e o seu corpo, fusiforme, está adaptado para os vóos rápidos e longos. A andoriña voa baixo en espazos abertos ou semiabertos e atrapa os [[insecto]]s lanzándose enriba deles desde o aire.

 

 

== A andoriña na cultura popular galega ==

Antigamente a andoriña consagrábase aos deuses; era o heraldo da primavera, polo que estaba prohibido matalas. En [[Galicia]] é popular a lenda que conta que as andoriñas arrincaron as espiñas da coroa que levaba [[Xesús Cristo]], e que do sangue deste vén a mancha vermella que amosan no seu pescozo <ref>Lenda semellante corre respecto ó [[paporroibo]].</ref>. Desta crenza procede a consideración das andoriñas como protectoras das casas nas que aniña. Por esta razón son aves que ninguén molesta nin se lle vai ós niños. Mesmo se cre que matar unha andoriña ou destruí-lo seu niño é un pecado e que quen o faga sufrirá axiña unha desgracia na súa casa (Risco, Rodríguez López <ref>Aínda así, este último afirma que ''este pájaro es de los más dañinos para la agricultura, pues se alimenta con preferencia de abejas''.</ref>)