Agudelo, Barro: Diferenzas entre revisións

Desde o punto de vista artístico, entre os monumentos relixiosos máis representativos atopamos: A igrexa parroquial de San Martiño de Agudelo: do século XII (estilo [[románico]]). Posúe planta de cruz latina e a súa cabeceira termina nunha [[ábsida]] semicircular á que parece que se lle engadiu unha absidiola rectangular que alterou o seu sentido inicial. A nave moi modificada, conserva unha entrada lateral tapiada, e a abertura das fiestras. Á nave ábrense, mediante arcos de medio punto, dúas capelas laterais de planta cuadrangular, cubertas con bóveda de cruzaría, con ménsulas de arranque, de época posterior á do resto da igrexa. A ábsida está composta por un tramo recto, e un semicírculo dividido en cinco tramos por medio de catro columnas entregas. No interior o máis destacado é o arco triunfal, rematado por unha chambrana de catro filas de tacos, descansado sobre columnas con fustes de cinco tambores entregos, con capiteis decorados. Nun destes capiteis vense uns paxaros con figura humana. A imaxe central do tímpano suponse que representa a [[San Martiño]], sentado, con báculo en actitude de bendicir, titular da igrexa e da freguesía. Nun capitel do arco triunfal pódese ver a representación dun músico, tocando a [[zanfona]]. Non consérvanse na igrexa cornixas románicas; as que existen son do [[século XVIII]], así como os pináculos que rematan as columnas na súa parte superior. A fachada occidental demostra claramente o influxo do [[Mestre Mateo]], na carnosa decoración vexetal da arquivolta; igrexa vinculada ao paso das peregrinacións a [[Compostela]].▼