Lingua prusiana antiga: Diferenzas entre revisións

O '''prusiano antigo''' é unha [[Linguas bálticas|lingua báltica]] extinta, falada polos habitantes da zona que posteriormente se chamou [[Prusia Oriental]] (hoxe repartida entre [[Polonia]], [[Lituania]] e a rexión rusa de [[Kaliningrado]]) antes das colonizacións alemá e polaca do [[século XIII]]. Despois desta colonización, empezouse a falar un dialecto do Baixo Alemán Oriental chamado tamén [[lingua prusa|pruso]] polo que é conveniente non confundilos. Na rexión lituana de [[Klaipeda|Klaipėdá]] existe un grupo de persoas que intenta revivir unha versión reconstruída deste idioma báltico.

 

O prusiano antigo está estreitamente emparentado coas outras linguas bálticas extintas, o [[lingua galindiana|galindiano]] (falado antigamente no territorio do sur) e o [[lingua sudoviana|sudoviano]] (ao leste). A súa relación é máis afastada coas linguas bálticas orientais, aínda vivas, o [[lingua lituana|lituano]] e máis aínda co [[lingua letona|letón]].