Saturno (deus): Diferenzas entre revisións

[[Ficheiro:Polidoro_da_Caravaggio_-_Saturnus-thumb.jpg|thumb|right|Saturno.]]'''Saturno''' era un [[deus]] da [[mitoloxía romana]], de orixe [[etrusco|etrusca]]. É o deus que personifica o paso do tempo. Corresponde ó '''[[Cronos]]''' da mitoloxía grega.

Saturno reinaba sobre os ceos e a terra, controlando o paso do tempo antes de que o seu fillo [[Xúpiter (deus)|Xúpiter]] o destronase. Foi implacable e cruel cos seus fillos, que devorou un a un, para evitar que a predición que dicía que sería destronado por un dos seus descendentes, se cumprise. Porén, a súa esposa, [[Cibeles]], e a súa nai impediron que Xúpiter correse a mesma sorte que o resto dos seus irmáns e irmás, dándolle a comer unha rocha no lugar do seu fillo.

 

Máis tarde, este derrocará o seu pai, obrigándoo a regurxitar a tódolos seus irmáns e irmás. Tras ser expulsado dos ceos, Saturno instálase no [[Lacio]], reinando na futura [[Roma]], polo que é considerado o antepasado dos monarcas do Lacio e rei dos primitivos [[ítalo]]s. É nesta época que ensina a arte da agricultura ós homes, polo que pasará tamén a ser o deus da agricultura. O reinado na Terra deste deus é coñecido tamén como a ''Idade de Ouro''.

Os atributos que simbolizan a Saturno son a [[fouce]] (ás veces representada por unha [[gadaña]], coas implicacións que isto leva consigo) e o [[reloxo de area]].

Saturno é fillo da Terra e [[Urano]], o ceo. Casado con [[Cibeles]], os seus fillos son: [[Ceres]], [[Xuno]], [[Vesta (deusa)|Vesta]], [[Neptuno (mitoloxía)|Neptuno]], [[Plutón (deus)|Plutón]] e [[Xúpiter (deus)|Xúpiter]].

A pesar de que nas linguas románicas se perdeu esa etimoloxía, en principio o día da semana dedicado a Saturno era o [[sábado]], ''Saturday'' (do [[latín]] ''Saturnus dies'', "día de Saturno") en inglés.

[[Categoría:Mitoloxía romana]]

 

[[he:סטורנוס (מיתולוגיה)]]

[[hr:Saturn (mitologija)]]

[[is:Satúrnus (guð)]]

[[it:Saturno (divinità)]]