Calgary: Diferenzas entre revisións

'''Calgary''' é a cidade máis grande da provincia de [[Alberta]] ([[Canadá]]). Está situada no Sur da provincia, nunha rexión de outeiros e mesetas a unha distancia aproximada de 80 km ao Leste das [[montañas Rochosas]].

 

É a terceira cidade do Canadá por poboación, contando, segundo o censo de abril de 2006, con 988.193 habitantes (1.079.310 na metrópole urbana en 2006, o que a coloca no quinto posto metropolitano canadense). O « corredor Calgary-[[Edmonton]] » é a zona urbana máis poboada entre Toronto e Vancouver. Tomou o seu nome dunha praia sita na illa de [[Mull]] en [[Écosse]].

 

Calgary é a cidade máis próspera na provincia máis rica do Canadá.

 

Calgary está localizada na transición entre os escalóns das [[montañas Rochosas]] e as [[Pradeiras canadensas]]. A altitude de Calgary é aproximadamente de 1.048 metros (3.440 pés) sobre o nivel do mar no centro de negocios da cidade (''Downtown''), e de 1.083 metros (3.556 pés) no aeroporto. A cidade propia cobre unha área territorial de 721 km² (ano [[2001]]).

 

Está sobre dous ríos principais que a atravesan. O [[río Bow]] é o maior e flúe do Oeste ao Sur. O [[río Elbow]] corre do Norte para o Mediodía ata confluír co Bow case no centro comercial de Calgary. Dado que o clima da rexión é, en xeral, frío, unha certa densidade de vexetación só aparece nos vales dos ríos, nalgunhas ladeiras da cara sur dos outeiros e no [[Fish Creek Provincial Park]].

 

[[Ficheiro:Klimadiagramm-metrisch-deutsch-Calgary-Kanada.png|thumb|righ|200px|Gráfico de temperaturas e precipitacións]]

Calgary ten un [[clima continental]] propio de terras altas, con longos, pero moi variábeis, invernos e veráns curtos e cálidos. O clima está fortemente influído pola altitude da cidade e a proximidade ás [[montañas Rochosas]]. Aínda que os invernos de Calgary son fríos, o [[vento Chinook]], quente e seco, que sopra regularmente sobre a cidade desde o [[Océano Pacífico]] durante a época invernal, pode supor un alivio do frío. Tales ventos poden elevar as temperaturas ata 15º C (27º F) en poucas horas, e poden durar varios días. Aproximadamente nunha metade dos días invernais os máximos diarios están por encima dos 0º C (32º F), e mesmo nalgúns mediodías do inverno a temperatura pode atinxir os 20º C (68º F).

 

 

Primixeniamente a zona foi ocupada por indios, dos que está documentada a súa presenza desde hai uns 11.000 anos; en tempos máis próximos era territorio da tribo [[Blackfoot]] (Pés Negros).

 

 

Cando, a mediados do século XX foron descubertos en Alberta grandes xacementos de [[petróleo]], Calgary foi o centro do conseguinte boom económico, tanto que, durante os [[anos 1970|anos 70]], a poboación se redobrou. No [[1981]], logo da promoción por parte do goberno do Programa Nacional da Enerxía, o éxito económico comezou a callar. Aínda na actualidade a urbe atrae moitos residentes doutras cidade canadenses.

 

[[Categoría:Cidades de Canadá]]

 

[[af:Calgary]]

[[sco:Calgary]]

[[sh:Calgary]]

[[sk:Calgary]]

[[sr:Калгари]]