Luís Taboada: Diferenzas entre revisións

'''Luis Taboada Coca''', nado en [[Vigo]] o [[6 de outubro]] de [[1848]] e finado en [[Madrid]] o [[13 de xaneiro]] de [[1906]], foi un escritor galego.

Estudou no instituto de Pontevedra e traballou nos ministerios de Gobernación e de Fomento, sendo secretario particular de varios políticos. Colaborou con crónicas festivas en ''[[La Ilustración Española y Americana]]'', ''[[La Ilustración Ibérica]]'', ''[[ABC]]''. En ''[[El Miño]]'' publicou unha serie de poemas baixo o título de "Gorgoritos". Estreou en [[Madrid]] en [[1878]] a comedia nun acto ''Afinador y mártir''. O humor de Taboada y Coca, na liña costumista, foi moi popular en toda España. En ''Oráculos del matrimonio'' proporcionou un modo de saber que parella se terá, a partir duns tipos básicos de homes e mulleres, dos que se dan fotos. O método foille entregado ao autor por unha sibila mestiza de indio e chimpancé chamada Kapikúa e está ilustrado con debuxos de Karikato. [[Wenceslao Fernández Flórez]] incluíuno na súa antoloxía do humor.