Estrela dobre: Diferenzas entre revisións

Chámase '''estrela dobre''' a un par de [[estrela]]s que vistas a través dun [[telescopio]] óptico terrestre aparecen próximas entre si, vistas coma unha parella, mentres cunha estrela binaria é un par de estrelas que están ligadas pola súa mutua atracción [[Gravitación|gravitatoria]] e xiran en torno ó [[centro de masas]] de ambas; cabe polo tanto subliñar que aínda que unha estrela dobre normalmente tamén é unha binaria, isto non acontece sempre, por ex. hai estrelas dobres visuais que non teñen relación gravitatoria entre si, e pola contra hai binarias que non poden ser resoltas opticamente e polo tanto non son estrelas dobres; para non confundir ambos conceptos, hai que ter en conta que o concepto de estrela dobre é un concepto a nivel óptico, visual, e non a un nivel de interacción física entre ambas compoñentes, aínda que perfectamente pode existir unha relación óptica e gravitatoria ó mesmo tempo. Son maioría na nosa [[galaxia]] (en torno ó 60%) e existen tamén sistemas múltiples con tres ou máis estrelas.