Igrexa de San Pedro de Rebón: Diferenzas entre revisións

A '''igrexa de san Pedro de Rebón''', en [[Moraña]], é unha igrexa [[románico|románica]], dos [[século XII|séculos XII]]-[[século XIV|XIV]], moi modificada por reformas posteriores, especialmente as realizadas no [[século XIX]] para amplia-la nave e contruí-lo campanario.

 

Conserva da súa estrutura orixinal a [[ábsida]] semicircular, os [[canzorro]]s con diversas figuras humanas e animais e os [[capitel|capiteis]] interiores. A ábsida está dividida en tres tramos por dúas [[columna (arquitectura)|columnas]] adosadas, que se completan por dous [[contraforte]]s na unión da ábsida coa nave; en cada unha daquelas columnas hai esculpida unha pequena figura hoxe irrecoñecible. No tramo central abríase unha ventá de arco semicircular, na actualidade cegada, na que se colocou unha imaxe, moi deteriorada, de [[arcanxo Miguel|san Miguel]]. No pinche posterior da igrexa, sobre a ábsida, ábrese un [[rosetón]] con celosía en moldura redonda lisa con decoración xeométrica. A cornixa está apoiada nunha serie de canzorros figurados, entre os que hai gravados motivos xeométricos consistentes en rosetas sextifolias ou estrelas de seis puntas.